అందే (4-203) —
| సీ. |
భువనైకధన్వియౌ పుష్పాయుధునిచేతఁ
బ్రసవాస్త్రమున వ్రేయఁబడని వాఁడు
యతిగాఢమైన క్రోధాంధకారంబునఁ
గన్నుల నంధుండు గానివాఁడు
నిర్ణిబంధనిరోధనిద్రాభరంబునఁ
బారవశ్యంబుచేఁ బడనివాఁడు
లక్ష్మీకటాక్షలీలాసీధుమదమున
మనములోపల నన్ను గొననివాఁడు
లేఁడు నరపతి కలిగె నెవ్వాఁడు నృపతి
విశ్వధాత్రీజనులపాలి వేల్పు గాఁడె.
బాహ్యశత్రులఁ బరిహరింపంగ వచ్చు
నంతరరుల విసర్జింప నలవిగాదు.
| 81
|
నాలుగు వర్గయతులు.
కావ్యాలంకారచూడామణి (7-37) —
| సీ. |
కమనీయరాజశిఖామణి కవిరాజు
గర్వమహీధ్రనిర్ఘాతమునకు.....
| 82
|
ఇటువలెనే తెలుసుకొనేది. 83
2. అఖండవడి
లక్షణము—
కవిజనాశ్రయము (సంజ్ఞా. 86) —
| ఉ. |
మానుగ విశ్రమాక్షరసమన్వితమై స్వరమూదినం దదీ
యానుగుణాక్షరంబు గొనియైనను జెప్పఁగ నొప్పు నీ క్రియన్
భాను సహస్రభాసి వృషభాధిపుఁ డన్నటు లర్థయుక్తమై
పూనినచో నఖండవడి పొల్పగు నాదికవి ప్రణీతమై.
| 84
|
