నతనిఁ గూడాడిన యచ్చోటులే యెంచు నతనిభావమె తనయాత్మ నించు నతఁడుఁ దానును ముట్టిన యట్టిమతులు ముట్టి తలయూఁచి తనుఁ దానె తిట్టుకొనుచుఁ జెలఁగి యాతఁడు దానును గలయు భావ మంత భావించి శంకరా, యని తలంచు.
వెలఁది నిట్టూర్పులు వెలికిఁ బైపడనీక పూబంతిమీఁద నేర్పున వహించు గ్రుక్కుచుఁ గన్నీళ్ళు కొలుకులఁ గ్రమ్మఁగ నలుసు సోఁకినదని పులిమి తుడుచుఁ దనువల్లి కాఁకఁ గ్రాఁగినపాన్పు క్రొవ్విరుల్ కనుపడనీయక వెనుకఁద్రోయు వదలని తాపాగ్ని వడచల్లు మరుబెట్ట పొరిఁబొరిఁ ద్రిప్పుఁ గప్పురపుసురటి ప్రాణవిభు నాత్మ భావించుఁ బలవరించు వెలికిఁ జను నిండువెన్నెల వేఁడికంత నులికి లోఁజను నందును నుండలేక పొగిలి వగఁ బొంది మదిఁ గుంది పుష్పగంధి.
