ప్రేమతోఁ బ్రియుఁడు చెప్పినగీతము ల్వాడి
యడరి డగ్గుత్తికపడి నిలుచును
సోమార్ధధరుమీఁది చూర్ణికల్ చదువుచు
హా ప్రాణనాయక, యని తలంచు
జంత్రంబు చూపుచు జాగులే వల్లభ,
నినుఁ బోల నెవ్వరు నెనయ రనునుఁ
దానమానములకుఁ దలయూఁచి మలహణ,
యెఱుఁగుదుగా నీవు నించు కనును
సుదతి ప్రాణేశు లోచూడ్కిఁ జూచి పొక్కి
బయలుఁ గౌఁగిట నిఱియించుఁ బరవశమున
నధరసుధఁ గ్రాఁగి పోవంగఁ గలఁగి కలఁగి
యెందు నున్నాఁడవో నన్ను నిచట నొంటి
డించఁదగవౌనె ప్రాణేశ, యంచు వగచు.