295
యుద్ధకాండము
రాజు బట్టఁగఁ జేరు - రాహువురీతి
రాజీవ నేత్రుఁడా - రామునిఁ బట్టి 6670
మ్రింగుదు ననుచు భూ - మిని మొండికాళ్లు
జంగలు చాఁపుచు - జగతి మోపుచును
--: శ్రీరాముఁడు తనపైకివచ్చు కుంభకర్ణుని తలఁద్రుంచి రావణునిముందఱ బడునట్లు చేయుట :--
"చెవులు ముక్కును బోయె - చేతులు దునిసె
నవనిఁ గూలెఁ బదద్వ - యము చిక్కె ననుచు
నెంచకు మిప్పుడే - యిరువురి మ్రింగ
నెంచితి రఘువర! - యెటువోయెదనుచుఁ
బైకొనిరా రఘు - పతి దివ్యశరము
లాకుంభకర్ణుని - యాస్యగర్తమున
దొనలోన నించిన - తూపులమాడ్కి
కనకపుంఖంబులు - గనిపింపుచుండఁ 6680
గుత్తుకలో నింప - గురుపెట్టుకొనుచు
నెత్తురుల్ సెలవుల - నిండారఁ గురియ
నొడలెఱుంగక నిల్వ - నుర్విజారమణుఁ
డడలంగ దనుజు లైం - ద్రాస్త్రంబుఁ దొడిగి
వ్రేసిన నిప్పులు - వెదజల్లికొనుచు
భాసుర యమదండ - భయదమై నిగిడి
రవికిరణప్రభా - రాశియై పవన
జవముచే నవ్యకాం - చనపుంఖ మమర
వజ్రకీలితమైన - వజ్రంబు చేత
వజ్రాయుధముఁ గేరు - వాఁ డిమిఁ గలిగి 6690
