296
శ్రీ రా మా య ణ ము
శతకోటి వృత్తమ - స్తము ద్రుంచినట్లు
శతకోటి దివ్యాస్త్ర - సమితితోవచ్చి
కోఱలతో కను - గ్రుడ్ల తోడుతను
ఘోరకరాళ భృ - కుటితోడ నొప్పు
కుటిలాత్ము తల కిరు - క్కున ద్రుంచి నపుడ
పుటముబ్బి యది మింటి - పొడవుగా నెగసి
ఘోరమై నీలాద్రి - కూటంబె పోలె
భోరున మొరయుచు - భువనంబు లదర
లంకాసువర్ణ సా - లంబులు గూల్చి
వంకదారలు ద్రొబ్బి - వాకిళ్లఁ ద్రోచి 6700
మేడలు వడఁగొట్టి - మృత్యుకందకము
జాడ రావణుకొల్వు - సావడిఁ బడియె !
ఆదానవుని బొంది – యవనిచలింప
యాదోనిదాన మ - ధ్యంబునఁ బడిన
జలజంతుజాలంబు - సదమదంబగుచు
నలసిపోయెను జీవ - నంబెల్లఁ గలఁగె
నప్పుడు సురసేన – లలరులవాన
గుప్పెలుగా రఘు - కుంజరు ముంచె
జయజయ ధ్వానంబు - చదలెల్ల నిండె
భయమెల్లఁ దీఱెఁ బ్ర - పంచంబునకును 6710
నేదలు దీర్చె ద - క్షిణ గంధవహుఁడు
మేదినీచక్ర మా - మెత నాఁడెఱింగె
ప్రియసహోదరుని వి - భీషణుఁ గపుల
నయనిధి రాముఁడా - నంద మొందించి
