98
శ్రీ రా మా య ణ ము
తోడ నన్నలుఁడు చే - తులు మోడ్చి పలికె.
"దేవ ! కట్టెద నంబు - ధి యనఁగ నెంత
లావరు లైనట్టి -ప్లవగపుంగవులఁ
బనిచి తెప్పింపుఁడు - పర్వతంబులను
వనములు బెకలించి - వడిమీఱ ” ననిన
-: నలుఁడు సేతువుకట్టుటకుఁ బ్రారంభించుట :-
దశరథాత్మజు నాజ్ఞ - తలమోచినట్ల
దశదిశాంతరముల - తరులును గిరులు
తలల మోచుక కపీం - ద్ర వ్రాతమెల్ల 2210
నలుఁడందుకొని వైచి - నఁ బయోధిలోన
మున్నుగా భూరుహం - బులువైచి మీఁదఁ
బన్నిన కైవడి - పర్వతావళులు
పఱచి యందును మిఱ్ఱు - పల్లంబులేక
యఱచేతివలె నుండ - నచ్చెరు పఱచి
మదమేనుఁగులఁ బోలు - మర్కటోత్తములు
పెదపెద కొండలు - పెకలించి తెచ్చి
గుభులు గుభుల్లనఁ - గుప్పించి వ్రేయు
రభసంబుచేత నీ - రములు పెల్లుబ్బి
తుంపరుల్ గగనవీ - ధుల నాక్రమింప 2220
గుంపులుగట్టి పే - ర్కొని రాముఁ దలఁచి
కప్పుత్రాటను చక్కఁ - గా నూత్రవెట్టి
యొప్పు మీఱఁగ శత - యోజనంబులకుఁ
జాపును పరవు యో - జనదశకంబు
నేపు మీరఁగ బట్ట - నేర్పాటు చేసి
