422
శ్రీరామాయణము
చెలిమి చేసిన నది - చెడకుండ నేర్పు
గలిగి మెలంగ దు - ష్కర మెవ్వరికిని! 3520
సరిపోదు నాకు ల- క్ష్మణుఁ డాగ్రహించి
శరశరాసనములు - సవరణ నేసి
వచ్చినప్పు డొకఁడు- వలె దోఁచె మీకు
నిచ్చఁ దోఁచి, బుద్ధి - యెఱిఁగింపు డిపుడు
దోషమేమియును లే - దు మదాత్మయందు
నీషద్భయంబైన - నేఁటికి నాకు?
వారల యెడనైన - వారొక్క రేల
ధారుణి నొరుల చి - త్తము లెవ్వ డెఱుఁగు?
మనసులు నిలుకడ - మానిన వగుట
మనకిట్టచో నను - మానింపవలసె" 3530
—: హనుమంతుఁడు సుగ్రీవునకు హితము చెప్పుట :—
అనుమాట వినిచేరి - హనుమంతుఁ డపుడు
వినయంబుతోఁ గపి - విభుఁ కిట్లనియె.
"ఇది యేమి యరదు? నీ - వింగితజ్ఞుఁడవు
మది నుపకారంబు - మఱచి యుండుదువె?
నీనిమిత్తము వాలి - నిఁ బ్రతాపశాలి
జానకీవిభుఁ డొక్క - శరముచే నేసె
తనవాఁడవని నిన్నుఁ - దలఁచి రాఘవుఁడు
కినిసి లక్ష్మణుఁ బంపెఁ - గిష్కింధ కపుడు
కినుక యేమిటికన్న! - కృతమాత్మ నెఱిఁగి
యును శరత్కాల మ - భ్యుదయంబు నొందె. 3540
