కిష్కింధా కాండము
423
మత్తుఁడవై వారి - మఱచితిగాన
క్రొత్తయే నీమీఁదఁ - గోపించికొనుట?
కాలజ్ఞుఁడవు వివే - కము లేనియట్టి
పాలసుఁడవు గావు - బలశౌర్యనిధివి
యరుల సాధింపఁగ - ననువైన యట్టి
తరివచ్చియును నీవు - తలఁపక యున్న
నూరక తమ రేల - యుందురు? వారి
నేరమే యిది? నీదు - నేరమిగాఁక
ఇంటిని గోలుపో - యినవారిమీఁద
నెంతయు దయవలె - నింతియే కాక 3550
సరకు సేయక ముపే - క్షాబుద్ధి నున్న
దొరవైన నైతివి - దోషంబుగాదె
తప్పునకై పోయి - దండమర్చించి
చెప్పిన బుద్ధులు - శిరసావహంచి
పనుపు సేయుట మంచి - పని ప్రధానులకు
కనిపించుకొని యంత - గదిమి చెప్పినను
నది హితం బుచితంబు - నగుగాన యేను
మదిశంక లేక యీ - మాట లాడితిని
వారు గోపించిన - వలదని మాన్పఁ
దీఱుననుచు నెంచి - తే? నిల్వగలమె? 3560
పాఱిపోనేర్తుమొ? - పాఱెదమనిన
వారు వోనిత్తురొ? - వలవ దీభయము
ప్రతికూలుఁడే రఘు - పతి? మన కతఁడె
గతి! సదేవాసుర - గంధర్వమైన
జగ మెల్ల నొకతూపు - సంధించెనేని
