326
శ్రీరామాయణము
మొగమెల్లఁ బగుల నె - మ్ములఁ దిరుగంగ
కదుములు గట్టి ర - క్తములు మైనిండ
నదరులవారలౌ - నడుగడుగునకు
గుట్టూర్పు లుచ్చి మూ - ల్గుచు నింకనొక్క
పెట్టుచే సుగ్రీవు - పీఁచమణంతు
నని వెంబడించి తా - నటుఁ జేరరామి
మనసులో నలిగి క్ర - మ్మఱ వాలి చనినఁ1220
దలపట్టి చూచుక - తనదు భంగంబుఁ
దలఁపుచు నొకచెంత - తరణినందనుఁడు
చేరుచోఁ బావని - చెంతరా నృపకు
మారకుల్ భానుకు - మారునిఁ జేరి
నిలుచున్న శ్రీరాము - ని మొగంబు జూచి
తలఁకుచు వంచిన - తలయెత్తి పలికె,
"అనలుండు సాక్షిగా - నరలేని చెలిమి
యొనరించి యడిగిన - యొడబాటు లిచ్చి
సత్తువల్ చూపి బా - సలను నమ్మించి
కత్తులు దాఁటి సం - గటి వచ్చినిలిచి1230
వాలితో హత్తించి - వానికిఁ దనకు
నాలంబు దురుసైన - యట నిల్వవెఱచి
యొదిగి యెచ్చట నుంటి - రో! యన్నలార!
ఇది యేమి చేసితి - రెఱుఁగలేనైతి
నిటువంటివాఁడని - యెఱిగింపలేదొ?
పటుశక్తి మాకు జొ - ప్పడదని మీరు
వాకొన్న నేరము - వచ్చునో యెందు?
రాకొమారులు స్వకా - ర్యంబు లేమఱరు
