325
కిష్కింధా కాండము
పడమటికొండకు - భానుండు చేరు
వడువున సుగ్రీవు - వలనికిఁ జేరి 1190
పొడిచిన యిరువుర - భూరియుద్ధంబు
పుడమి చలింప న - ద్భుతకరంబయ్యె!
కలను గావించు నం - గారకబుధుల
పొలువున నిరువురు - భుజవిక్రమముల
పిడికిటిపోట్లచేఁ - బృథివీధరములఁ
బిడుగులు వడియెడి - పెక్కువ దోఁపఁ
బోరుచో వారి న - ప్పుడు దేరి చూచి
శ్రీ రామలక్ష్మణుల్ - చిత్తంబులందు
నాశ్వినేయులనంగ - నాహవభూమి
శాశ్వతశౌర్యులై - జగడింపుచున్న1200
వాలీసుగ్రీవుల - వైపుల చూచి
వాలి వీఁ డితఁడు ది - వాకరాత్మజుఁడు
నని నేర్పఱచు నుపా - యము వాలినేయు
ననువును గానక -యటునిటు జూచి
యూరక చేకాచి - యుండ సుగ్రీవుఁ
"డా రాఘవుల నమ్మి - యనికివచ్చితిని
నను దెచ్చి వాలి ముం - దఱ నొప్పగించి
కనుపించుకొనక చ - క్కఁగ నేఁగినారు
తనువెల్ల నొగిలె నీ - తని ప్రహారముల
తను జంపు వాలి యిం - తటఁ బాఱకున్న"1210
ననుచు వచ్చినత్రోవ - నతిజవశక్తి
వెనక చూడక పాఱె - వీఁడంచు వాలి
నగుచుండ మునుపున్న - నగమున కేఁగి
