327
కిష్కింధా కాండము
వాని నేఁ గెలిచిన - వచ్చి నాచేత
జానకి సాధింప - సమకట్టినారు.1240
అది తప్పి నాచేత - నయ్యెడి దేమి?
మదికిఁదోచినయట్టి - మార్గంబుఁ గనుఁడు
పదివేలువచ్చెఁ జం - పక పోవరేమొ
కొదవగల్గినఁ బేరు - కొనుఁడు చేసెదను.”
అను మాటలకు సిగ్గు - హాస్యంబుఁ బొడమ
జనకజారమణుఁ డి - చ్చఁ గలిగి పలికె.
"ఏల కోపించెద? - వేనమ్ము దొడిగి
వాలినేయని హేతు - వచనంబు వినుము
రూపులు నడపు లా - రూఢముల్ బలము
చూపులు పలుకులు - సొబగు లంగములు1250
నొక్కరూపమకాని - యొకరందు నెచ్చు
తక్కువల్ వెదకియు తడవు చింతించి
యూహింపఁజాలక యుంటి మింతటికి
నీహనుమంతుండు - నెఱిఁగియున్నాడు.
ఏము ద్రోహము సేతు - మే? నీకు నెఱుఁగ
లేమైతి మపుడు వా - లిని నిన్ను జూచి
నాయమోఘాస్త్రసం - ధానంబు చేసి
చేయి గాయక యున్న - సీమకు లేని
యపకీర్తి మాకునై - హాని నీకైన
నపుడేమి సేయుదు - వది యెన్నవైతి1260
నీకొక్క కీడైస - నేము చింతించి
యాకడ మఱిసేయు - నది యేమి గలదు?
అవివేకపడుచుఁ గా - ర్యము చేసెననుచు
