ఆరణ్యకాండము
223
గని యేడ్చుచుండగఁ - గరుణింపడయ్యే
సీత యేడది? కైక - చెల్లించుకొనియె
వేతరి నాయమ్మ - వేనోములైన
పురషాధముఁడు వీని - పుట్టువు సకల
దురితకారణము వ్య - ర్థుఁడు వెతగాక
యిల్లాలిఁ గోల్పోయి - యేమని వచ్చె
చెల్లరె యితఁడెంత - సిగ్గరి యనుచుఁ 5310
బురికి నేఁగినఁ జూచి - పొడిచి యాడుదురు
నరులెల్ల నిఁకలక్ష్మ - ణా! ఏది బుద్ది
హా! కైక! హా! లక్ష్మ - ణా! యేను జనక
భూకాంతుఁ జూచి న - ప్పుడు సీతనడుగ
నేమందు? నీ మాట - యించుక వినిన
నామహేళుడు వాయు - ప్రాణంబు లవుడె
తమ్ముడ! నేఁడు సీ - తనుఁ గడగాంచి
సమ్మతించిన కీర్తి - చాలదే నీకు?
ఇట మీఁద నిలిచితి - వేని నాచంద
మెటులౌనొ యాదుఃఖ - మేల చూచెదవు? 5320
పొమ్ము గొబ్బున పురం - బునకు భూజనుల
సమ్మతిఁ బాలింప - సద్ధర్మ నిరతు
భరతుని తోడనా - పలుకుగాఁ దెలిపి
ధరణిఁ బాలింప బో - ధనుఁడవుగమ్ము
కైకసుమిత్రలఁ - గౌసల్యఁ జూచి
వాకొను మందంద - వచనసంగతులు
మెల్లనే తనపాటు - మేదినీతనయ
చెల్లిపోవుటయునుఁ - జెప్ప నేర్పరివి
