పుట:Shriiranga-mahattvamu.pdf/381

226

పంచమాశ్వాసము

⁠

స్థానమున కరిగి రత్తఱి నానరపతి సతులు దాను నడలుచు నుండన్.

⁠ 84

శా.⁠

అంతం బుష్కరిణీతటంబున హరిధ్యానామృతానందిత స్వాంతుండై వసియించియున్న గురునిన్ వాల్మీక దర్శింప న త్యంతప్రీతి దలిర్ప నేఁగుచు భరద్వాజుండు తన్మేదినీ కాంతుం డున్నపురంబుపై నరుగ మార్గం బౌట నచ్చోటికిన్.

⁠ 85

ఆ.⁠

వచ్చి తనకు శిష్యవరుఁ డగుతత్పురో హితునివలన నమ్మహీశ్వరునకుఁ దొడరినట్టి కష్టదుర్దశ లన్నియు విని మనంబులోనఁ గనికరించి.

⁠ 86

క.⁠

తా నటఁ జని, నిజగురునకు నానృపువర్తనముఁ జెప్పె ననుకంప మదిం బూని, ముని వాని రాష్ట్రము లో నుండక చనిన విప్రలోకమునెల్లన్.

⁠ 87

చ.⁠

పిలువఁగఁ బంపి వారలకుఁ బ్రీతి దలిర్పఁగ నిట్లనున్ సము జ్వలమతులార! మీ రలిగి వచ్చినయంతటనుండి పైపయిం దలకొనినట్టి యాపదల దందడిఁ గుందిరి భూప్రజల్ మహీ తలపతియున్ దురంతపరితాపనిపీడితుఁ డయ్యె నెంతయున్.

⁠ 88

క.⁠

నాలుగు పురుషార్థములకు, నాలుగు వర్ణములవారి నడవడికిని, భూ పాలకుఁడు కారణము త న్మూలంబున నెపుడు సర్వముం దలపోయున్.

⁠ 89

చ.⁠

అలుకలు దక్కి నాపలుకు లాదటఁ గైకొని సత్కృపాగుణం బలపడ ముద్ధరింపుఁడు మహామహులార! నితాంతశోకవి హ్పులుఁ డగు మేదినీశుని దురంతములైన యుపద్రపంబులన్ బెలుకుఱి నెమ్మనంబు దలపించుచునున్న మహీప్రజాలికిన్.

⁠ 90