పుట:Shriiranga-mahattvamu.pdf/299

144

తృతీయాశ్వాసము

సీ.⁠

అవధరింపుము పంకజాసన, సురరాజు చెలిమికాఁ డగుచిత్రసేనుఁ డనెడి గంధర్వనాథుఁడు, కాదంబరీపాన మత్తుఁడై సోలుచు, మధురఫణితిఁ బాడుచు, నాకాశపథమున నరుగుచో, రుచిరమచ్ఛాయాస్వరూపమైన శ్రీరంగధామంబు జెచ్చెర లంఘించె, బలసి యాతనివెంటఁ గొలిచి వచ్చు

⁠

ఆ.వె.⁠

నేము దాని దాఁటరామి ము న్నెఱుఁగుట గడచిపోక నిలువఁబడితి మంత కింక మీఱ విష్ణుకింకరు లాతని వొడిచి పాఱవైచి రుర్విఁ గూల.

⁠ 251

క.⁠

అటువ్రేసిన జలధులకడ పఁట, ముక్కును మోముఁ జదియఁబడి గగనమునం బటుగతిఁ జనుసామర్థ్యము మటుమాయము నొంది దీనమానసుఁ డగుచున్.

⁠ 252

లయగ్రాహి.⁠

సింధురనిశాట మదసింధుఘటజన్ము సుర సింధు కనకాంబురుహగంధ విచలత్పు ష్పంధయవితీర్ణ సితబంధుర జటాపటల బంధవిలసత్కుముదబంధుఁ బ్రమదాస బంధ లలితాంగు ననుసంధిత జగత్కుశలుఁ గంధర వినీలతరకంధరు నుదార స్కంధవృషవాహనుఁ గబంధమథనప్రియు జ లంధరహుఁ గొల్చె నతఁ డంధకవిరోధిన్.

⁠ 253

క.⁠

ఆతనిదెసఁ బ్రీతుండై శీతాంశుధరుండు పనుపఁ జెచ్చెరఁ జని త ద్భూతములు విష్ణుదాసుల చేతం బరిభూతి నొంది చేడ్వడి రంతన్.

⁠ 254