విజ్ఞానకోశము - 3
కొలంబియా
చేరువలో బొగ్గుగనులు త్రవ్వబడును. రాగి, గంధకము, మాంగనీసు, అభ్రకము, భాస్వరము, చలువరాయి, సీసము, తుత్తునాగము, పాదరసము లభించు గనులుకూడ కలవు.
కొలంబియా జాతీయ ఆర్థిక ఉపపత్తికి ఖనిజ సమృద్ధియు, వ్యవసాయమును తోడ్పడుచున్నవి. వ్యవసాయమునకు ఇచ్చటి భూమి, వాతావరణము అనుకూలముగా నున్నవి. చెరకు, మొక్కజొన్న, వరి ఇచ్చటి ముఖ్యములగు పంటలు. మొ త్తముమీద కాఫీగింజల ఉత్పత్తి విషయమున బ్రెజిల్ నకు ఈ దేశము రెండవదిగా గణింపబడు చున్నది. ఇందు చాల భాగము అమెరికా సంయుక్త రాష్ట్రములకు అమ్మబడును. శాంతమార్టాలో అరటిపండ్లు పండును. పొగాకు, ప్రత్తికూడ కొంతవరకు పండును.
చిత్రము - 18
కొలంబియా దేశములో నూలు, రబ్బరు వస్తువులు టైర్లు, సిగరెట్లు, గ్లాసుసామానులు తయారుచేయు పరిశ్రమలు మిక్కిలి ప్రధానము లైనవి. నూలు పరిశ్రమ ముఖ్యముగా మెడెలిన్, బరంక్విలా, సామా, మనిజేల్స్ మొదలగు వానియందు స్థాపింపబడియున్నది. తివాచీలు, రగ్గులు, బ్లాంకెట్లు, చేతితో తయారుచేయుదురు. పంది క్రొవ్వును, పండ్లను, చేపలను డబ్బాలలో భద్రముచేసి ఎగుమతి చేయుటకును, కృత్రిమసిల్కును తయారుచేయుటకును నిర్మింపబడిన కర్మాగారములు కొన్ని గలవు.
ఉత్పత్తిచేసిన వస్తువులను రవాణాచేయుట అనునది కొలంబియాకు ఒక గొప్ప సమస్య, 800 మైళ్ళ దూరము వరకు నావ ప్రయాణమునకై మగ్డలేనానది విశేషముగా ఉపయోగించుచున్నది. ప్యూయర్‌టో విల్ చెస్ (Puerto-Wilches) కును ఈనదికిని ఒక రైలుమార్గముచే సంబంధ మేర్పడియున్నది. ప్యూర్ టో బెరియోనుండి కాకాలోయ (cauca Valley) వరకు మరికొన్ని రైలుమార్గములు ఏర్పడియున్నవి. కాకా(630 మై), సినిల్ (210. మై), ఆట్రాటో (416 మై) అను నదులు కూడ నావలు నడచుటకు యోగ్యములై యున్నవి. క్రీ. శ. 1,900 నుండినిర్మింపబడిన రహదారుల మూలమున రవాణా విషయకమైన చిక్కు తొలగిపోయినది. విమాన మార్గముల కూడ చాల అభివృద్ధి పొందినవి.
కొలంబియాయొక్క భౌతికస్థితి వ్యాపారోద్దేశములకు అనుకూలముగానున్నది. అట్లాంటిక్, పసిఫిక్ రేవుల ఉపయోగమును పొందుచున్న దక్షిణ అమెరికాలోని ప్రదేశమిది యొక్కటే. పెట్రోలియము, బంగారము, వెండి, రాగి, సీసము, పాదరసము, మాంగనీసు, కాఫీ, తోళ్ళు, అరటిపండ్లు, ఇచటి ప్రధానమైన ఎగుమతులు. యంత్రములు, యానసాధనములు, లోహసామగ్రి, రసాయనిక ద్రవ్యములు ప్రధానమగు దిగుమతులు.
చరిత్ర : ఈ దేశము 1861 వరకు 'గ్రనడా' అని పిలువబడు చుండెడిది. స్పానిష్ వలస యుగమందు ఇది ఇంచు
89
