ఈ పుట ఆమోదించబడ్డది
- 76
సంస్కృతన్యాయములు
వేదాంతు లీన్యాయమును సాధారణముగ తత్త్వమున కుపయోగింతురు.
"సూత్రే మణిగణా ఇవ"
"ఎనయుం దారము రత్నహారములయం దేరీతి"
(వ్యాఖ్యాతల శంకరవిజయమునుండి.)
మత్తకాశినీన్యాయము :
నడివయసుననున్న కులుకులాడియెదుటనుండఁ బశువును మోహించినట్లు.
మత్స్యకంటకన్యాయము :
ముల్లుగల చేపను బట్టి ముల్లు తీసివైచి చేపను వండుకొని తినినట్లు.
ఒకవస్తువు కించిద్దోషయుక్తమైనను ఆదోషమును తొలగించి, శిష్టవస్తువును గ్రహించుట లెస్స.
మధుమక్షికాన్యాయము :
ఈఁగలు కూర్చిన తేనె మనుష్యుల యధీన మైనట్లు.
"తేనెఁగూర్చి యీఁగ తెరువరి కియ్యదా" (వేమన.)
మధుకరరాజమధుమక్షికాన్యాయము :
పోతు తేనెటీఁగను తేనె సంపాదించు తక్కిన ఆడుతేనెటీఁగ లన్నియు అనుసరించి సేవించునట్లు.