ఈ పుట ఆమోదించబడ్డది
- 61
సంస్కృతన్యాయములు
వను తుపాకితోఁ గాల్చి చంపి తన ఒంటెను రక్షించుకొనెను.
- వానిలో రెండుఁ జంపఁదగనివే; రెండుఁ జావఁదగినవే. నోటిముంగలి సిద్ధాన్నమును దీసివేయుటయుఁ బాపమే. అయినను స్వార్థరక్షణమున మానవుని పాపాపాపములు బాధించవు.
- బిడాలవిణ్మోచనన్యాయము
- పిల్లి మలవిసర్జనము చేయునపుడు గొయ్యి త్రవ్వి యందు విడిచి పూడ్చివేయును.
- బిలవర్తిగోధాన్యాయము
- కన్నములో దూరిన బల్లి మొదలగువానిని చంప వీలు గానట్లు.
- దీనికి 'బిలగోధాన్యాయ' మనియుఁ జేరు కలదు.
- బిల్వఖల్వాటన్యాయము
- ఎండవేడిమికి నిలువఁజాలక బట్టతలవాఁ డొకఁడు ప్రాంత ముననున్న మారేడుచెట్టునీడకు పోయెను. దైవవశమున మారేడుపం డూడిపడి వానితల పగిలెనఁట.
- "దరిద్రునిపెళ్ళికి వడగండ్లవాన" అన్నట్లు.
- (దీనినే "ఖర్వాటబిల్వన్యాయ" మందురు.)