ఈ పుట ఆమోదించబడ్డది
23
సంస్కృతన్యాయములు
పాకకడకు వచ్చుసరికి తెల్లవారెను. అతని కాయాస పడుటయు, సుంక మీయకుండ తప్పించుకొనలేకుండు టయుఁగూడ సంభవించెను. కళా. 6.248. చంద్రికా. 4.107. నైష. 4.75.
- ఘరట్టన్యాయము
తిరుగలిదిమ్మలలో నొకటి తిరుగునది, ఒకటి తిరుగనిదియు. రెండు నుండు టవసరమే. కేవల మొక తిరుగుదానితోనే లేక తిరుగనిదానితోనే పని నెఱవేఱదు.
- ఘుణాక్షరన్యాయము
ఒకపురుగు ఒకకఱ్ఱను దొలువఁగాఁ దొలువఁగా నది యొకానొకప్పుడు అక్షరాకారముగ నేర్పడవచ్చును. అది యప్రయత్నముగ నేర్పడినదికాని పురుగుయొక్క ప్రయత్నముచేఁ గాదనుట. విక్ర. 1.17.
- ఘృతకోశాతకీన్యాయము
నేతిబీరకాయ యని పేరేగాని యందు నేయి యుండదు సరికదా చప్పగగూడ నుండును. పాండు. 2.13. (ఇంటిపేరు కస్తూరివారు; ఇంటిలో గబ్బిలాలకంపు.)
- ఘోటకబ్రహ్మచర్యన్యాయము
సాధారణముగ గుఱ్ఱములను యజమానులు ఆడుగుఱ్ఱములతోఁ గలియనీయరు. పైపెచ్చు వాని అవయవములను
