ఈ పుట ఆమోదించబడ్డది
22
సంస్కృతన్యాయములు
- గోముఖవ్యాఘ్రన్యాయము
ఆవుముఖముగల పులిని ఆవు అనుకొని యితరమృగములు చెంతకురాఁగా పులి వానిని మ్రింగివేయును. కళా. 6.267.
- గోవత్సన్యాయము
ఆవు నమ్మినపుడు దూడకు వేఱే వెల లేదు.
- గోక్షీరన్యాయము
గేదెపాలైనను ఆవుపాలు కొంచెము కలిసినచో పవిత్రమగును.
- గ్రామదూరన్యాయము
ఈయూరి కాయూరు ఎంత దూరమో ఆయూరి కీయూరు నంతే దూరము.
- ఘటీయంత్రన్యాయము
ఏతము తనపని యగునంతవఱకును వంగియుండి కాఁగానే మీఁదికి నిక్కును.
- ఘట్టకుటీప్రభాతన్యాయము
ఒకవర్తకుఁ డొకపట్టణము చేరి తనవ్యవహారము చేసికొని పోవునప్పుడు ఆపట్టణములో ఘాటీపాకదగ్గఱనుండి పోయినచో సుంక మీయవలసివచ్చునని యర్ధరాత్రివేళ మాఱుత్రోవను బోవలయు నను తలంపుతో నాపట్టణములోని సందు గొందులు తిరిగి త్రోవగానక తుదకు ఘాటీ