ఈ పుట ఆమోదించబడ్డది
12
సంస్కృతన్యాయములు
- కదళీకంటకన్యాయము
- ముల్లు అరటియాకుమీద బడినను, అరటియాకు ముల్లు మీద బడినను అరటియాకునకే మోసము.
- కదళీకాకన్యాయము
- కదళీవంధ్య, కాకవంధ్య.
- ఒకమాఱుమాత్రమే ప్రసవించి మఱల గర్భములేని స్త్రీ 'కదళీవంధ్య' అనబడును.
- కాకులు గ్రుడ్లుపెట్టుచునేయుండును. కాని కోవెల ఆ గ్రుడ్లను త్రోసివేసి తాను ఆ గూటిలో గ్రుడ్లుపెట్టును. కాకిపెట్టినగ్రుడ్లు కాకికి మాత్రము దక్కక వెంటనే నశించిపోవును. అట్లే శిశువులు పుట్టుట, వెంటనే పోవుట కల ఆడుది ' కాకవంధ్య ' అని చెప్పబడును.
- కదంబముకుళన్యాయము
- కడిమిచెట్టుపువ్వు లొకదానిలోనుండి మఱొకటి వరుసగ దండవలె నుండును.
- కపోణిగుడన్యాయము
- వంచకులు మోచేతికి బెల్లము రాచికొని మాధుర్యలోభమున జవిగొనవచ్చిన యమాయకుల నొప్పింతురు.
- కమఠీదుగ్ధపానన్యాయము
- ఆడుకప్పను గుర్తించుట కష్టసాధ్యము. దానికి సాల
