ఈ పుట ఆమోదించబడ్డది
52
ఒక్కపరి ప్రచ్ఛన్నవృత్తిని
చక్కఁజూపవు ముఖము నేరికి
నొక్కపరి రూపుంబు లెన్ని యొ
పొంది తోఁచెదవు;
నిక్క మేమో తెలియకున్నది
యిక్కధయు నీవలననే కద
నిక్కముగ ద్రష్టవ్యుఁడవు మఱి
ద్రష్టవును నీవే.
53
జీవమందలి మూలమర్మము
లీవునిచ్చటఁ దెలియఁగల్గినఁ
జావునొందుచు నీశ్వరుని మ
ర్మములు తెలిసెదవు.
నీవు నీతోనున్న నేఁడే
యేవియైనను దెలియనప్పుడు
నీవు నీతో లేని 'ఱేపట
నేమి తెలిసెదవు?
