పుట:PadabhamdhaParijathamu.djvu/655

వికీసోర్స్ నుండి
Jump to navigation Jump to search
ఈ పుట అచ్చుదిద్దబడ్డది

గుణ - గుత్త 629 గుత్త - గుత్తి

గుణము చేయు

  • గుణ మిచ్చు.
  • "ఆ మందుతో గుణం చేసింది." వా.

గుణము సారించు

  • ధనుష్టంకారము చేయు.
  • "శంఖంబు పూరించి గుణంబు సారించి." భార. ద్రోణ. 2. 60.

గుణమొలనూలు

  • మొలత్రాడు.

గుత్తకాడు

  • గుత్తకు తీసుకొన్నవాడు. శ. ర.

గుత్తకు తీసుకొన్నట్లు

  • ఇది అంతా నాదే నన్నట్లు.
  • "ఊరంతా గుత్తకు తీసుకొన్నట్లు మాట్లాడుతున్నావే?" వా.

గుత్తగట్టు

  • గుత్త కిచ్చు. నీలా. 1. 118.

గుత్తగా ఉంచుకొను

  • స్వంతంగా పెట్టుకొను. వేశ్యలు ప్రబలంగా ఉన్న రోజుల్లో, వారు ఎవరికీ చెందిన వారు కాక పోయినా, ఎవడో కొంత ధన మిచ్చి తన అధీనంలో ఉంచుకొనేవాడు.
  • "రంగసానిని రామయ్య గుత్తగా ఉంచుకొన్నాడు." వా.
  • చూ. గుత్తగొను.

గుత్తగొను

  • సొంతము చేసికొను.
  • భూముల విషయంలో గుత్తకు తీసుకొనడం అలవాటు. తద్వారా వచ్చిన పలుకుబడి.
  • "...ఇక్కలికి గుత్తగొనుఁ బో,తక్కక దివి నిమిష మున్న దైవతవిటులన్." కళా. 3. 79.
  • "గోపికావళిన్, బొక్కఁగఁజేసి తద్రు చిరభోగము గుత్తగ నీవ కైకొనన్." ఆము. 5. 68.
  • చూ. గుత్తగా ఉంచుకొను.

గుత్తచేలు

  • సంవత్సరానికి ఇంత డబ్బు అన్న ఒప్పందంపై సాగుకు తీసుకొన్న భూములు. పండిన ధాన్యంలో భాగానికి ఒప్పందం చేసుకుంటే అవి కోరు భూములు.
  • "గుడ్డవృత్తులు వృత్తులు గొలుచు గుత్త చేలు." పాండు. 3. 16.

గుత్తపుదాసి

  • ఉంపుడుకత్తె.
  • "...గుత్తపుదాసి దా రవికకుట్టు పుటుక్కున విచ్చె రంభకున్." శకుం. పీ. 80.

గుత్తవట్టు

  • గుత్తగొను.
  • "పచ్చిఱ్ఱితోల్బఱ్ఱె చుచ్చాలమె ట్లంది, కొను దాన యూ రెల్ల గుత్తవట్టు." ఆము. 6. 69.

గుత్తికవ్వము

  • కవ్వము.

గుత్తివడు

  • కష్టపడు.