తత్త్వజిజ్ఞాసాధికరణం
61
8. చతుర్వర్గఫలం జ్ఞానం కాలావస్థా చతుర్యుగా,
చతుర్వర్ణమయో లోకః త్వత్తః సర్వం చతుర్ముఖాత్.
9. ఆభ్యాసనిగృహీతేన మనసా హృదయాశ్రయం,
జ్యోతిర్మయం విచిన్వంతి యోగినస్త్వాం విముక్తయే.
10. అజస్య గృహ్ణతో జన్మ నిరీహస్య హతద్విషః,
స్వపతో జాగరూకస్య యాథార్థ్యం వేద కస్తవ.
11. శబ్దాదీన్ విషయాన్ భోక్తుం చరితుం దుస్తరం తపః,
పర్యాప్తోసి ప్రజాః పాతుం ఔదాసీన్యేన వర్తితుం.
12. బహుధాప్యాగమైర్భిన్నా : పంథానః సిద్దిహేతవః,
త్వయ్యేవ నివసంత్యోఘా జాహ్నవీయా ఇవార్ణవే.
13. త్వయ్యావేశితచిత్తానాం త్వత్సమర్పితకర్మణాం,
గతిస్త్వం వీతరాగాణాం అభూయః సన్ని వృత్తయే.
14. ప్రత్యక్షో ప్యపరిచ్ఛేద్యో మహ్యాది ర్మహిమా తవ,
ఆప్త వాగనుమానాభ్యాం సాధ్యం త్వాం ప్రతి కా కథా
15. కేవలం స్మరణేనైవ పునాసి పురుషం యతః
అనేన వృత్తయః శేషాః నివేదితఫలాస్త్వయి.
16. ఉదధేరివ రత్నాని తేజాంసీవ వివస్వతః, .
స్తుతిభ్యో వ్యతిరిచ్యన్తే దూరాణి చరితాని తే.
