ఈ పుట అచ్చుదిద్దబడ్డది
బుస్తకంబులఁ జింపక, పొదువుగాను
వాడుకొనుచుండుఁదనతోడివారుమెచ్చ. 12
తే.తనకుదీఱికయైనట్టితఱిని దినము,
సెలవులిచ్చినదినములఁ జింతనంబు
సేయుచును,నాటపాటల చెంతఁబోక
కరముస్రాఁతపారంబులగట్టిచేయు. 13
తే. చెడ్డబిడ్డలతోఁజెల్మిజేయఁబోండు;
తల్లి దండ్రులమాటల దాఁటకుండు
గురుని దైవంబుగానెంచి కొలువుసేయుఁ;
జూడమనసైన,నల్లరిజాడ;జనఁడు. 14
విద్య.
ఆ.విద్యవలన మిగుల వినయంబు గలుగును;
విద్యచేతఁ దెలివి విస్తరిలు;
విద్యచేతఁగరము వెలయునుయోగ్యత;
విద్యలేనివాఁడు వింతపశువు. 15
ఆ.ధనముతఱిఁగిపోవు దానంబుచేసిన,
విద్య దానమునను వృధ్ధినొందు;
విత్తమరసిచూడ విద్యాధనముతోడ
నీడ నంగఁ దగునె యించుకైన? 16
ఆ.చదువువేళ నీకు సందేహమేదేని
తోఁచెనేని, మదినిదాఁచుకోక,
గురునియొద్దకరిగి, గొబ్బుననడుగుము;
సిగ్గుపడియె దేని,చెడురువీవ. 17
ఆ.మురుగులుంగరములు ముత్యంపుసరులును
బురుషుని గయిసేయు భూషణములె?
