14
మీఁగడ తఱకలు
మఱియు, నన్నయాదికవీశ్వరులు ప్రాసములం దెక్కడను బూర్ణబిందువును నర్థబిందువును బొందింపరయిరి. శివకవుల గ్రంథములలో నది కానవచ్చుచున్నది.
క|| పోఁడిగ నగజతపశ్శిఖి
మూఁడు జగమ్ములను దీవ్రముగఁ బర్విన బ్ర
హ్మాండము గాఁచిన కాంచన
భాండము క్రియదాల్చెఁ దత్ప్రభాభాసితమై,
-కుమారసంభవము
పాండురాంగంబైవ పడఁతిగర్భమునఁ
బోఁడిగా వెలుఁగుచుఁ బుత్రుం డీక్రియను.
-బసవపురాణము
ఇత్యాదులు పెక్కు లున్నవి.
ಇట్టి ఛందోలక్షణవిశేషములుగాక, శబ్దప్రయోగములందునుగూడ శివకవులకు నితరకవులకుఁ బెక్కు భేదము లున్నవి.
శబ్దప్రయోగములు
తెఱఁగువోలె, వడువువోలె, - ಇట్టి ప్రయోగములు శివకవుల గ్రంథములందే నాకుc గానవచ్చినవి.
"తెరువు దాఁ దీర్చిచూపెడు తెఱఁగువోలె
బలసికొలువున్న సురగిరిభంగివోలె
నందనవనము గాపువచ్చు వడువువోలె
పాలకడలిలో నిల్చిన భంగివోలె-"
-కుమారసంభవము
"వచ్చువహిత్రంబు వడువునుబోలె
కరమర్ధి నందిచ్చుకరణియుcబోలె-"
-బసవపురాణము
పూంచు, పూన్చు,-ఈధాతువు నన్నయాదికవీశ్వరుల గ్రంథములందుc బెక్కుచోట్లఁ బ్రయోగింపఁబడియున్నది. అది పూను ధాతువప్రేరణరూపము.