ఈ పుట ఆమోదించబడ్డది
46.సాగరం లోతుల్లో ముత్యాల నిధులు
నాగుండె లోతుల్లో నీజ్ఞాపకాల నిధులు
47.విశ్వవిజేతనైనట్టే
నీమదిలో నాస్థానం సుస్థిరమైతే
48.అసంకల్పితచర్యలా
కన్నుమూస్తే చాలు కలల్లో చొరబడతావ్‌
49.నడిరేయైనా కునుకేరాదు
సుతిమెత్తని నీహృది తలగడ లేనిదే
50.మంచుబొమ్మనే
క్షణక్షణం కన్నీళ్ళలో ఘనీభవిస్తూ
51.మనసు ముంగిట నీజ్ఞాపకం
కడలిపై తేలియాడే కార్తీకదీపంలా
52.మదిలో మెదిలే నీ జ్ఞాపకం
ఒక్కోసారి బాధిస్తూ అంతలోనే ఊరడిస్తూ
53.అందరు హరిశ్చంద్రులే
సందర్భం వస్తేనే నిజాయితీ నిగ్గుతేలేది
54.తారల్లో చేరిపోయావ్‌
ఇక్కడ నాఉనికిని ప్రశ్నార్ధకం చేస్తూ
55.నీవు లేక మోడైన నా మది
కొత్త చిగుర్లు వేస్తోంది నీ ఆగమనంతో
70.మణిమాలికలు--♦-లక్ష్మీ యలమంచిలి
