ఈ పుట ఆమోదించబడ్డది
56. కన్నీటిసేద్యం చేస్తున్నా
నీ జ్ఞాపకాల పంట పండించాలని
57. కన్నీటిచుక్కవై జారుతూ
ప్రతిక్షణం నన్ను ముద్దాడుతూనే ఉన్నావు
58. నీస్మృతుల చమురు నింపుతున్నా
నా ప్రాణదీపం కొడిగట్టకుండా
59. నిన్న జననం రేపు మరణం
నడుమ ఎన్ని ఆరాలు? ఎన్నిపోరాటాలు?
60. నిలువెల్లా నేను తడుస్తున్నా
వర్షించేది కన్నో..మిన్నో..?
61. నిశీధి నీడలలో ఒంటిగా
గగనాన్ని వీడివస్తావని ఆశగాచూస్తూ
62. నిను కోల్పోయాననుకున్నా
నా ప్రతికదలికలోను నువ్వున్నావని తెలుసుకోలేక
63. హాయిగా నిదురిస్తా
రెప్పలమాటున ఊహవై నువ్వొదిగి ఉంటే
64. నీ జ్ఞాపకాలే మరువలేకున్నా
పంచిన నిన్ను మరిచేదెలా
65. నువ్వొచ్చివెళ్లావుగా
మదిలో ప్రకృతిలో పులకరింతల్లా