ఈ పుట ఆమోదించబడ్డది
36. రాతిని నాతిగ మార్చిన కధ ఆనాడు
నాతిని రాతిగ మార్చే వ్యధలెన్నో ఈనాడు
37.సంగీతానికి శిలలు కరుగుతాయి అంటారు
వేవేలరాగాలు ఆలపించినా నీహృదయం కరగదే
38.మన బ్రతుకుపుస్తకంలో ప్రతిఅక్షరం మధురం
మన అనురాగం అన్యస్వరంలేని సుస్వరం
39.నాప్రాప్తమో ప్రారబ్ధమో
వలదన్నా నీతలపులు నన్నొదలక చుట్టేస్తూ
40.తీరం చేరని నాకలల అలలు
గుండెనిండ నింపుకున్న వ్యధల బరువుతో
41.హృదయం లేని శిలనైనాను
నీతోపాటు నామనసుని సమాధిచేసి
42.మువ్వలు పదాలు పాడుతున్నాయి
నీపాదాన్ని తాకిన పరవశంతో
43.నా నుదిని తాకిపోయే పిల్లతెమ్మెరల అల్లరులు
గాలితో నువ్వు పంపే గుసగుసల రాయబారాలు
44.నిరంతరం గమనంలోనే
నీకై అన్వేషిస్తూ నాప్రతి అడుగు
45.మండుతున్న వెన్నెల
మరుగుతున్న నా మనసును తలపిస్తూ
మణిమాలికలు--♦-లక్ష్మీ యలమంచిలి.69
