పుట:Kokkookamu.pdf/178

⁠

పైనఁ జెప్పిన కారణపంచకమున గాన వాటిని వారించి గవయవలయు.

⁠

తా.⁠

తనయొక్క శరీరమువలనఁ బుట్టఁబడిన రోగముచే భర్త విరక్తిభావ మును జెందుననిన యసామర్ధ్యమును, జారుడు నాగరికుఁడు దుర్లక్ష్యుండు భర్త స్నేహితుఁడు నని గౌరవమును, జారు డింగితమూఢుఁడు పలితుఁడు నీచుఁడు దంభాలాపి దేశకాలపాత్రంబులను తెలియనివాఁడని లాఘవంబును, స్నేహితుని భార్యనగు నన్నుఁ గోరకయుండెనే హృదయాభిప్రాయమును దెలిసికొనలేని వాడని ఖేదమును, బంధుజనాదులకుఁ దనవ్యభిచారము తెలిసిన బంధుతిరస్కారము కలుగునని భయమును, నీయైదు కారణములవలన స్త్రీ వ్యభిచరింపఁజాలదు. కాన వాటిని నివారించి యనురాగమును వృద్ధి చేయవలయును.

⁠

శ్లో.⁠

కార్యముపాయవ్యంజనమశక్తి హేతౌ, యథాయోగ్యమ్। అతిపరిచయతో గరిమా, లఘిమా వైదగ్ధ్యభోకయోః ఖ్యాతా। ఖేదః ప్రణతేస్త్రాసోప్యాశ్వాసనతో నివర్త్యా స్యుః॥

⁠

చ.⁠

అలయక పల్మరున్ దిరుగులాడి యగౌరవ ముజ్జగించి నే ర్పులు పచరించి భావములు పొందుగఁ జెప్పిన లాఘవంబు చం చలమగు ఖేదభావముఁ బ్రశాంతముఁ బొందు నమస్కరించినన్ కలభయమెల్లఁ బోవుఁ దమి గల్గిన నూరటమాట లాడినన్.

⁠

తా.⁠

స్వసామర్ధ్యప్రకటనవలన కామినిహృదయమందు విశ్వాసమును గలుగ జేసి ప్రథమమైన యసామర్ధ్యమును దొలంగింపజేయుటయు, అతిపరిచయము వలన రెండవదియైన గౌరవమును తొలంగింపజేయుటయు, కార్యకుశలుడు భోగి యనుభావమును తనపట్ల స్త్రీయందు కలుగచేసి మూడవదియైన లాఘవమును దొలంగింపజేయుటయు, నమస్కరించుటవలన నాల్గవదియైన ఖేదమును, ఊర డించుటవలన నైదవదియైన భీతియు తొలగింపజేసినచో స్త్రీలు వశులగుదురు.

⁠

పురుషదూతలు

శ్లో.⁠

శూరః సముచితభాషీ రతితంత్రజ్ఞః ప్రియస్య కర్తా చ। ప్రేక్షణకారీ సాహసరసికః ప్రోద్ధామయౌవనశ్రీకః॥

⁠

శ్లో.⁠

ఆబాల్యజాతసఖ్యః క్రీడనకృత్యాదినా జాతవిశ్వాసః। ఆఖ్యానశిల్పకుశలః కస్య చిదన్యస్య కృతదూత్యః॥

⁠