పుట:Kokkookamu.pdf/177

గీ.⁠

వీని నెటువలెఁ బొందుదు వీఁడు నాకు వశుఁడు కాఁడని తమకంబు వదలు నొకతె యిచ్చ గలిగిన కామిను లేమి చెప్ప నిట్టివిధముల జారుఁ జేపట్ట రెపుడు.

⁠

తా.⁠

పతివ్రత యనిపించుకొంటిని చాలామంది పిల్లలను గంటి ననుకొని సంతృప్తి చెందునదియు, ఆవిషయము భర్తకు తెలిసిన తన్ను విడిచిపుచ్చునని భయ పడునదియు, భర్త జారుని గనిన తనవలన జారునకు ఆపద గలుగునని కీడును శంకించునదియు, ఇరుగుపొరుగువారు చూచినయెడల కులమునుండి వెలిగావలసి వచ్చునని శీలమును బ్రేమించునదియు, జారుడు తనను పొందుటకు వీలుండదని నిరాశ చెందునదియు, స్త్రీలకు జారవాంఛ యున్నప్పటికిని నీకారణములచే జారుని చేపట్టజాలరు.

⁠

శ్లో.⁠

దుర్లక్ష్యో నాగర ఇతి సుహృదతి పత్యా ప్రయుక్త ఇతి గరిమా। ఇంగితమూఢః పలితో నీచః శుష్కాభియోగ్యదేశకాలజ్ఞః॥

⁠

శ్లో.⁠

ఇతి లఘిమా సుహృదర్పితభావో౽చిత్తజ్ఞ ఇతి ఖేదః। తేజస్వ్యనిభృతభావో జ్ఞాతా జ్ఞాత్యుఝ్ఝితా భవేయమితి భీః॥

⁠

శ్లో.⁠

ఇచ్ఛాయామపి సత్యాం స్త్రీణాంవ్యావృత్తికారణాన్యాహుః। ప్రథమోక్తపంచకారణవారణమనురాగవర్ధనం కార్యమ్॥

⁠

సీ.⁠

సంకటములు గల్గ సామి విరక్తినిఁ                  జెందుననుచుఁ దాల్మి నొందియుండు దుర్లక్ష్యుఁడు పతిమిత్రుఁడు నాగరకుఁడగు                  జారుఁ డంచును మది న్గౌరవించు దేశకాలంబులఁ దెలియని మూఢుఁడు                  పలిత నీచుండని పరిహరించు ప్రియునిసతినగు నాప్రేమ నెఱుంగక                  కామింపరాఁ డని ఖేద మొందు

⁠

గీ.⁠

కులమువారలు గాంచిన వెలి యటంచు భయముఁ జెందియు వ్యభిచరంపఁగఁ దలఁపదు

⁠