ఈ పుట ఆమోదించబడ్డది
224
కవికోకిల గ్రంథావళి
[భగ్న
చిలుకలదండు క్రేంకృతులుసేయుచు మామిడియాకు తోరణం
బులు చదలెల్లఁ గట్టినటుమూఁగి, చివుక్కునవ్రాలి, దోర కం
కులఁ దమనోటఁబెట్టికొని గూళులకుం గొనిపోవుచుండె; సం
చలనములేని నామనము సందడి చప్పుటి కుల్కి మేల్కనెన్.
ఫలసష్టం బగుచున్నదన్న తలఁపుల్ బాధింపఁజిత్తమ్ముఁ; జి
ల్కలసౌందర్యము, వానిస్వేచ్ఛ మదవాక్కర్ణప్రియత్వంబునుం
బలుకన్ శక్యముగాని సమ్మదముగూర్పన్, రెంటికింజిక్కియా
కులమై చిత్తము తోఁచితో పకయటం గూర్చుంటిముగ్ధుండనై.
కాఁపువానికిఁ గవికి సంగ్రామ భూమి
యయ్యె హృదయంబు; కొంతసేఁపైన వెనుక
కవియె మీఁదయ్యెఁ, గ్రిందయ్యెఁ గర్షకుండు!
తారలుదయింప నింటికిఁదరలిపోతి.
మే 2-1927
_________
