రుక్మిణికథ.
33
నిజము దెలిసికొనవచ్చెనని యెఱింగించుటయుఁ జారుమతి యారాజ సుతునకు నమస్కరించి యోరగానిలువంబడినది.
చిత్ర -- క॥ నారీ ! నీపేరేమది?
చారు -- చారుమతి యటండ్రు
చిత్ర - నీదు జననం బెచటో?
చారు - వారాణసి.
చిత్ర - కులమెయ్యది?
చారు -- వారాంగన నేను.
చిత్ర - కన్యవా?
చారు - అవు దేవా!
చిత్ర – గీ॥ విద్యలే మభ్యసించితివి?
చారు — నరనాథపుత్ర : శ్రీకాళిదాసాదిభూరికవిశిఖామణుల చేత విఖ్యాతిఁగనిన మీకడను జదివితిననుచుఁ జెప్పికొనఁగవశమె?
[క॥ నారీ నీపేరేమది?
చారుమతియటండ్రు నీదుజననం బెచటో
నా వారాణసి కులమెయ్యెది ?
వారాంగననేను కన్యవా ? అవు దేవా.
గీ॥ విద్య లేమభ్యసించితివి నరనాధ
పుత్ర కాళిదాసాదిభూరికవిశి
ఖామణులచేత విఖ్యాతిగనిన మీక
డను జదివితిననుచు జెప్పుకొనఁగ వశమె.]
చిత్ర. - క॥ లలనావతంసమా! నీకులవృత్తిని నేవగించుకొంటివి మేల్ పెండిలియాడెదవా!
చారు - యేమో ! తెలియదు. విధిపంపులకు విధేయులము గదా?
