కాదు. సూక్ష్మదర్శనిలో జూచునప్పుడు వికారిణియొక్క చుట్టుఅంచు వర్ణ రహితముగ నుండును.
హరితకములు.
వృక్షజాతికణములందు ఆకుపచ్చనిరంగు గల హరితకములను భాగము లుండును. ఇవి జంతుజాతికణములలో (Chromatophores) నుండవు. వృక్షజాతికణముల మూలపదార్థమునందును, జంతుజాతికణముల మూలపదార్థమునందునుగూడ జీవస్థానమను కొంచెము చిక్కగనుండు మూలపదార్థపు భాగము గలదు. లేతవగు కణములందు అవకాశము లుండక కణ మెల్లయెడలను మూలపదార్థముతో నిండియుండును. ఇట్టి ఏకకణ వృక్షములు కొంచెముపస రెక్కిన నీటియం దనేకము లుండును.
జీవస్థానము.
ప్రతికణముయొక్కయు మూలపదార్థమధ్యమున కొంచెము దట్టమైనభాగముకలదు. కొన్నికొన్ని రంగులలో కొంచెముసేపు ఊరనిచ్చి పరీక్షించినయెడల నీభాగముమిక్కిలిస్ఫుటముగ తెలియుచుండును. ఈభాగముకణముయొక్క ప్రాణసంబంధమైన వ్యాపారములకు ముఖ్యధారమైనభాగము; కాననే యీభాగమునకు జీవస్థానమనిపేరుగలిగినదని మొదటి భాగమునందు వ్రాసియున్నాము. దీనిచుట్టునొకపొర కవచముగా నుండును (32-వ పటములో జీ. క.
