ఈ పుట అచ్చుదిద్దబడ్డది
76
ఇంద్రాణీ సప్తశతీ
శ. 3.
23. త్వం శక్తిరస్య విచ్ఛిన్నా భావై రాత్మ విభూతిభి: |
అంతరాస్తు మహేంద్రస్య శక్తస్య ప్రతిబింబవత్ ||
24. శక్తి ర్గణవతే: కాయే ప్రవహంతీ సనాతనీ |
భారతస్య క్రియాదస్య బాధ్యమానస్య రక్షణం ||
25. ఇమాని తత్త్వవాదీని వాసిష్ఠస్య మహామునేః |
పథ్యా వక్త్రాణి సేవంతా మనంతా మభవాం చితిం ||
_______
2. మాణవకస్తబకము
1. శక్తతమా శక్రవధూ హాసవిభా మే హరతు |
మానస మార్గావరకం జేతు మశక్యం తిమిరం ||
2. భారత భూ పద్మదృశో దుర్దశయా క్షీణతనోః |
బాష్ప మజస్రం విగళ ద్వాసవ భామా హరతు ||
3. దండిత రక్షో జనతా పండిత గీతా వనితా |
మండిత మాహేంద్రగృహా ఖండిత పాపా జయతి ||
4. సద్గుణ సమ్పత్కలితం సర్వశరీరే లలితం |
దేవపతేః పుణ్యఫలం పుష్యతు మే బుద్ధిబలం ||