ఈ పుట ఆమోదించబడ్డది
52
ఇంద్రాణీ సప్తశతీ
శ. 2.
10. జగతాం మాతరేకో మహసా పుణ్య శాలీ |
విధుతారిః స్వదేశం కురుతే వీతపాశం ||
11. పర ఇంద్రాణి సాధు ర్బత విస్మృత్య విశ్వం |
రమతే సిక్త గండః ప్రమదాశ్రు ప్రతానైః ||
12. తవరాగార్ద్ర దృష్ట్యా దివి శక్రస్య నాట్యం |
కరుణా సిక్త దృష్ట్యా భువి భక్తస్య నాట్యం ||
13. తవ సప్రేమ దృష్టి ర్బల మింద్రే దధాతి |
తవ కారుణ్య దృష్టి ర్బల మస్మాసు ధత్తాం ||
14. తవ వామాః కటాక్షాః ప్రభు మానందయంతు |
ఉచితో దక్షిణానా మయమ స్త్వీక్షణానాం ||
15. సుకృతానాంప్రపోషం దురితానాం విశోషం |
కరుణార్ద్రా విభాంతీ తవ దృష్టిః క్రియాన్నః ||
16. కురుపాదాబ్జ బంధో స్సరణిం నిస్తమస్కాం |
శచి విజ్ఞాన తేజః కిరతా వీక్షి తేన ||
17. క్రియ యారాధయంతో భువనే తే విభూతీః |
ఇహ కేచిల్లభంతే తవమాతః కటాక్షాన్ ||