ఈ పుట అచ్చుదిద్దబడ్డది
230
ఇంద్రాణీ సప్తశతీ
శ. 7.
22. దురవగాహపథే పతితం చిరా
జ్జనని గమ్యవిలోకన లాలసం
స్వయ మమర్త్యనృపాలమనోరమే
సునయనే నయ నేయమిమంజనం ||
23. అవతు నః స్వయమేవ పటూన్ విప
ద్వివధనాయ విధాయ బుధేశ్వరీ |
సకలమర్మసు వీతదయైః పరై
ర్వినిహతానిహ తాపవతః శచీ ||
24. సురధరాపతి జీవితనాధయా
స్వజననక్షితి రక్షణకర్మణి |
పటుతమో జన ఏష విధీయతా
మిహ తయా హతయాతు సమూహయా ||
25. గణపతేః శ్రుణుయాదిమముజ్జ్వలం
ద్రుతవిలంబితవృత్తగణం శచీ |
సలిలరాజసుతాభవనీభవ
ద్భువనపావన పాదసరోరుహా ||
________
2. జలోద్ధతాస్తబకము
1. హరిత్సు పరితః ప్రసాదమధికం
దధానమమల త్విషాం ప్రసరణైః |
మహేంద్రమహిళా విలాసహసితం
మదంతర తమో ధునోతు వితతం ||
