ఈ పుట అచ్చుదిద్దబడ్డది
228
ఇంద్రాణీ సప్తశతీ
శ. 7.
16. సపది మానసధైర్యహృతో జగ
జ్జనని వజ్రతనోర్జ్వలితార్చిషః |
అరిజనే ప్రథమం తవవీక్షయా
సురపతే రపతేజసి విక్రమః ||
17. న మననోచితమస్తి పరం నృణాం
విబుధరాజవధూపదపద్మతః |
జగతి దర్శనయోగ్యమిహా౽పరం
న రమణీ రమణీయముఖాబ్జతః ||
18. శరణవానహమస్మి పురాతన
ప్రమదయా మునిగేయ చరిత్రయా |
స్వబలచాలిత నాకజగన్నభో
వసుధయా సుధయా సురరాడ్దృశాం ||
19. అయమహం గతిమా నతిశాంతయా
త్రిదివభూమిపతి ప్రియకాంతయా |
మనసి మే నిజనై రతిభక్తితః
నిహితయా హితయా సుకృతాత్మనాం ||
20. వినయతః స్మృతయా గమయామ్యహం
జనిమతాం జనయిత్రి నిశాస్త్వయా |
ప్రసృతయా కులకుండ ధనంజయా
దృతతనూ తత నూతన వేగయా ||
21. సకృదమోఘ సరస్వతి సాధుధీ
హృదయవేద్య పదాంబుజసౌష్ఠవే |
మను శివం సుమనః పృధివీపతే
స్సువదనే వదనేత్రలసద్దయే ||
