ఈ పుట అచ్చుదిద్దబడ్డది
226
ఇంద్రాణీ సప్తశతీ
శ. 7.
10. ఇమమయి త్రిదివేశ్వరి కల్కినం
రుషమపోహ్య సవిత్రి విలోకితైః |
సురపతే ర్ద్విషతో౽ఘనతో లస
స్మదనకైరవ కైరవలోచనే ||
11. స్మరదమర్త్య నృపాల విలాసినీం
ప్రబలపాతకభీతి వినాశినీం |
ప్రవణయాంత రనన్య ధియా లస
ద్వినయయా నయ యామవతీర్మనః ||
12. భగవతీ గగనస్థలచారిణీ
జయతి సంగరరంగ విహారిణీ |
సుకృత శత్రు మతిభ్రమకారిణీ
హరిహయారి హయాది విధారిణీ ||
13. శరణవానహ మర్జునసహాసయా
భువనభూపతిహారి విలాసయా |
దివి పులోమజయా ధవళాచలే
గిరిజయా౽రిజయా వితదేవయా ||
14. చరణయోర్ధృతయా విజయామహే
నయమ శేష జగన్నృప జాయయా |
దివిపులోమజయా ధవళాచలే
నగజయా గజయానవిలాసయా ||
15. అరివధాయ విధాయ బుధాధిపం
పటుభుజాబల భీషణమాజిషు |
న భవతీ శచి గచ్ఛతి దుర్గతః
క్వచన కాచన కాతర ధీరివ ||