ఈ పుట అచ్చుదిద్దబడ్డది
214
ఇంద్రాణీ సప్తశతీ
శ. 6.
13. అపి వినికృత్తశిరాః శచి తే
వరమహసా విశతా సపది |
అలభత జీవిత మంబ పున
ర్భువన శుభాయ మునేస్తరుణీ ||
14. యది శిరసా రహితే వపుషి
ప్రకటతయా విలసంత్యసవః |
యది హృదయం సహభాతిధియా
కిమివ విచిత్ర మితశ్చరితం ||
15. పరశుధరస్యసవిత్రి కళా
త్వయి పురుహూత సరోజదృశః |
స శిరసి కాచిదభూద్రుచిరా౽
విశిరసి భీమతమా భవతి ||
16. పరశుధరోర్జున భూమిపతిం
యదజయ దంబ తపో౽త్ర తవ |
అభజత కారణతా మనఘే
వరమునిగేయ పవిత్రకథే ||
17. భగవతి కృత్తశిరా భవతీ
మధితవతీ నృపతీ నశుభాన్ |
ప్రధన భువి ప్రగుణం భుజయోః
పరశుధరాయ వితీర్య బలం ||
18. శుభతమ కుండల పూ ర్వసతిః
పదనతపాతక సంశమనీ |
దిశతు నికృత్తశిరాః కుశలం
మమ సురపార్థివశక్తికళా ||
