ఈ పుట అచ్చుదిద్దబడ్డది
212
ఇంద్రాణీ సప్తశతీ
శ. 6.
7. పరగృహవాస కళంకవశా
న్నిజగృహిణీం జమదగ్ని మునిః |
బత వినిహంతుమనాకలయం
స్తనుభవమాదిశ దుగ్రమనాః ||
8. పితృవచనాదతి భక్తిమతా
ప్యసురవదాత్మసుతేన హతాం |
మునిగృహిణీ మనఘేతి వదం
స్తవ వరదే౽విశదంశ ఇమాం ||
9. ఇదమవికంప్య మతిప్రబలం
ప్రభవతి కారణ మార్యనుతే |
మునిగృహిణీ మనఘాం భణితుం
శచికలయా యదిమామవిశః ||
10. ఖలజన కల్పిత దుష్టకథా
శ్రవణవశా ద్యధితం హృదయం |
అధ చరితే౽వగతే విమల
స్మృతి వశతో మమ యాతి ముదం ||
11. తవ మహసావిశతా కృపయా
మమ శచి సూక్ష్మశరీరమిదం |
నృపరిపుమాతృ పవిత్రకథా
స్మరణపథం గమితా సపది ||
12. విదధతు రాసురకృత్య ముభౌ
బహుళగుణామపి యద్గృహిణీం |
సముని రఘాత యదచ్చకథాం
దశరధజశ్చ ముమోచ వనే ||