ఈ పుట అచ్చుదిద్దబడ్డది
182
ఇంద్రాణీ సప్తశతీ
శ. 6.
13. ప్రచండచండీం లఘునాపదేన
చండీం విదుః కేచన బుద్ధిమంతః |
ఏకే విదః శ్రేష్ఠమహోమయీం తాం
లక్ష్మీం మహత్పూర్వపదాం వదంతి ||
14. అతీవసౌమ్యం లలితేతి శబ్దం
ప్రచండచిండీత పదంచ భీమం |
దేవీ దధానా సుతరాం మనోజ్ఞా
ఘోరాచ నిత్యం హృదిమే విభాతు ||
15. ప్రచండచండీంతు శరీరభాజాం
తనూషు యోగేన విభిన్న శీర్షాం |
శక్తిం సుషుమ్నా సరణౌ చరంతీం
తాం ఛిన్న మస్తాం మునయో వదంతి ||
16. కపాలభేదో యది యోగవీర్యా
త్సంపద్యతే జీవితఏవ సాధోః |
తమేవ సంతః ప్రవదంతి శీర్ష
చ్ఛేదం శరీరాంతర భాసిశక్తేః ||
17. ఉదీర్యసే నిర్జర రాజపత్ని
త్వం ఛిన్న మస్తా యమినాం తనూషు |
ఉజ్జృంభణే విశ్వసవిత్రి యస్యాః
కాయంభవే ద్వైద్యుతయంత్రతుల్యం ||
