ఈ పుట అచ్చుదిద్దబడ్డది
170
ఇంద్రాణీ సప్తశతీ
శ. 5.
17. కులకుండ కృశాను శిఖాయాః
కిరణైః శిరసి స్థిత ఏషః |
ద్రవతీందు రనారత మేత
ద్వపురాత్మమయం విదధానః ||
18. మదకృద్బహుళామృత ధారా
పరిపూతమిదం మమకాయం |
విదధావసి భజన్మనుజాప్తే
కులకుండ ధనంజయ దీప్తే ||
19. శిరసీ హసతః సితభానో
రమృ తేన వపుర్మద మేతి |
హృది భాత ఇనస్యచభాసా
మతిమేతు పరాం శచి చేతః ||
20. మమయోగమదేన నతృప్తి
ర్నిజదేశదశా వ్యథితస్య |
అవగంతు ముపాయ మమోఘం
శచి భాసయ మే హృదిభానుం ||
21. విదితః ప్రమదస్య విధాతుః
శశినో జనయిత్రి విలాసః |
అహముత్సుక ఈశ్వరి భానో
ర్విభవస్యచ వేత్తు మియత్తాం ||
