ఈ పుట అచ్చుదిద్దబడ్డది
168
ఇంద్రాణీ సప్తశతీ
శ. 5.
11. వ్యజినానిచ చాలయసి త్వం
బత సర్వ జగన్‌నృప జాయే |
విబుధో౽భి దధాత్వధవా కో
మహతాం చరితస్య రహస్యం ||
12. ఇహ చాలిత ఈడ్య మనీషై
రయి యంత్ర విశేష విధిజ్ఞైః |
బహుళాద్భుత కార్యకలాప
స్తటితస్తవ మాతరధీనః ||
13. అచర స్తరుగుల్మలతాదిః
సకలశ్చచరో భువి జంతుః |
అనితి ప్రమదే సురభర్తు
స్తటితస్తవ దేవి బలేన ||
14. మనుతే నిఖిలో౽పి భవత్యా
మనుజో౽నితి వక్తి శ్రుణోతి |
అవలోకయతేచ భణామః
కిముతే జగదంబు విభూతిం ||
15. అతిసూక్ష్మపవిత్ర సుషుమ్నా
పథత స్తనుషు ప్రయతానాం |
కులకుండ కృశాను శిఖాత్వం
జ్వలసి త్రిదశాలయ నాథే ||
16. ఇతరో న సురక్షితి పాలా
త్కులకుండ గతో జ్వలనోయం |
ఇత రేంద్ర విలాసిని నత్వ
త్కులకుండ కృశాను శిఖేయం ||
