ఈ పుట అచ్చుదిద్దబడ్డది
166
ఇంద్రాణీ సప్తశతీ
శ. 5.
5. స్ఫురితం తవలోచన హారి
స్తనితం తవధీర గభీరం |
రమణీయతయా మిళితా తే
శచిభీకరతా చపలాయాః ||
6. చపలే శచి విస్ఫురసీంద్రం
ఘనజాలపతిం మదయంతీ |
దితిజాత 'మవగ్రహ' సంజ్ఞం
జనదుఃఖకరం దమయంతీ ||
7. ప్రభు మభ్రపతిం రమయంతీ
దురితం సమతాం శమయంతీ |
హరితాం తిమిరాణి హరంతీ
పవమాన పథే విలసంతీ ||
8. అలఘుస్తనితం విదధానా
బలముగ్రతమంచ దధానా |
హృదయావరకం మమమాయా
పటలం తటిదాశు ధునోతు ||
9. సురపార్ధివ జీవిత నాథే
నిఖిలే గగనే ప్రవహంత్యాః |
తటితస్తవ వీచిషు కాచి
చ్చపలా లసతీహ పయోదే ||
10. విబుధ ప్రణుతే ధనికానాం
భువనేషు భవంత్యయి దీపాః |
పటుయంత్రబలా దుదితానాం
తవ దేవి లవాః కిరణానాం ||