ఈ పుట అచ్చుదిద్దబడ్డది
164
ఇంద్రాణీ సప్తశతీ
శ. 5.
25. లోకమాతురిమే రమణీయాః
పాకశాసన చిత్తరమణ్యాః |
అర్పితాః పదయోర్విజయం తాం
సత్కవేః కృతయో మణిరాగాః ||
________
4. మేఘవితానస్తబకము
1. అమరక్షితి పాలక చేతో
మదనం సదనం శుచితాయాః |
స్మిత మాదివధూ వదనోత్థం
హరతాదఖిలం కలుషం మే ||
2. సుతరామధనామతిఖిన్నా
మధునా బహుళం విలపంతీం |
పరిపాతు జగత్త్రయనేత్రీ
భరతక్షితి మింద్ర పురంధ్రీ ||
3. స్థలమే తదమర్త్య నృపాల
ప్రమదే తవ "మేఘ వితానం" |
అయి యత్రపరిస్ఫురసీశే
తటిదుజ్జ్వల వేషధరా త్వం ||
4. తటితా తవ భౌతిక తన్వా
జితమంబుధరే విలసంత్యా |
ఉపమా భువి యాలలితానాం
యువచిత్త హృతాం వనితానాం ||