ఈ పుట అచ్చుదిద్దబడ్డది
158
ఇంద్రాణీ సప్తశతీ
శ. 5.
8. ఇంద్రనారి కటిస్తవ పృథ్వీ
మండల స్యతులా మహనీయే |
మధ్యమం నభసః ప్రతిమానం
భోగినాం భువనస్యచ నాభిః ||
9. ధీరతాం కురుతే విగతాసుం
యా సుపర్వ పతేర్ని శితాగ్రా |
సా తవాంబ మనోభవశస్త్రీ
రోమరాజిరఘం మమహంతు ||
10. రోమరాజి భుజంగశిశుస్తే
దేవి దేవపతేర్హృదయస్య |
దంశనేన కరోత్యయి మోహం
జీవితాయ చిరాయ విచిత్రం ||
11. పూర్ణ హేమ ఘటా వివశక్రా
వాహితాం దధతావయి శక్తిం |
విశ్వపోషణ కర్మణి దక్షా
వంబదుగ్ధ ధరౌ జయతస్తే ||
12. లోకమాత రురోరుహ పూర్ణ
స్వర్ణకుంభగతా తవ శక్తిః |
లోకపాలన కర్మణి వీర్యం
దేవి వజ్రధరస్య బిభర్తి ||
13. అక్షయామృత పూర్ణఘటౌ తౌ
శక్రపత్ని కుచౌ తవపీత్వా |
లోక బాధక భీకర రక్షో
ధూననే ప్రభభూవ జయంతః ||