ఈ పుట అచ్చుదిద్దబడ్డది
138
ఇంద్రాణీ సప్తశతీ
శ. 5.
7. భాస్కరశ్చ శంకరశ్చ మాత
ర్మాధవశ్చ మంత్రనాయకశ్చ |
ఆత్మజేషు తేన సంతి నాంత
ర్వ్యాప కాంతరిక్ష విగ్రహాయాః ||
8. వాసవో౽పి దేవిదేవతాత్మా
వల్లభ స్తవ చ్ఛలాంగనాయాః |
ఆత్మజాతఏవ కీర్తనీయో
దేవతాపథేన దేహవత్యాః ||
9. సా శవ స్యుదీరి తాసి ధీరై
ర్దేహినీ విహాయసేంద్రసూ స్త్వం |
లింగ భేదతో౽నురూపత స్త
త్కీర్తనం శవోహి శక్తివాచీ ||
10. నాదితి ర్విభిద్య తే శవస్యా
స్సర్వదేవమాతరం విదుర్యాం |
యా మరుత్ప్రసూ రభాణి పృశ్ని
స్సాపి భిద్యతే తతోన దేవ్యాః ||
11. శక్తిరేవ సా న్యగాది పృశ్ని
శ్శక్తిరేవ సా౽దితి ర్న్య భాణి |
శక్తిరేవ సా౽భ్యధాయి భద్రా
శక్తిరేవ సా శవ స్యవాది ||
12. విజ్జనః ప్రకృష్ట శక్తిభాగం
శబ్దమేవ పృశ్నిమాహ ధేనుం |
యా పరైర్బుధై రభాణి గౌరీ
మానవేష్ట భాషయైవ నారీ ||