ఈ పుట అచ్చుదిద్దబడ్డది
128
ఇంద్రాణీ సప్తశతీ
శ. 4.
11. శృణ్వత్కర్ణో దయితే జిష్ణో
రంతశ్శబ్దం ధ్రియతే యస్య |
బుద్ధా భూత్వా వియతా సాధో
రేకేభావం కురుషే తస్య ||
12. యాతా యాతం సతతం పశ్యే
ద్యః ప్రాణస్యప్రయతో మర్త్యః |
విశ్వ స్యేష్టాం తనుషే క్రీడాం
తస్మిన్ బుద్ధా తరుణీంద్రస్య ||
13. స్వాంతం యస్య ప్రభవేత్కా ర్యే
ష్వంబై తస్మిన్నయి నిద్రాసి |
ఆత్మా యస్య ప్రభవేత్కా ర్యే
ష్వంబై తస్మిన్నయి జాగర్షి ||
14. యస్యా౽హంతా భవతి స్వాంతే
తస్య స్వాంతం ప్రభవేత్కర్తుం |
యస్యా౽హంతా భవతి స్వాత్మ
న్యాత్మా తస్య ప్రభవేత్కర్తుం ||
15. స్వాంతం యస్య ప్రభవేత్కర్తుం
తత్కర్మాల్పం భవతి వ్యష్టేః |
ఆత్మా యస్య ప్రభవేత్కర్తుం
తచ్ల్ఛాఘ్యం తే బలజిత్కాంతే ||