గాను గ్రంథాలయసంఘముల నధికముగ స్థాపించుట, సమావేశములు జరుపుట యవసరము.
గ్రంథాలయముల నిర్వహణము, అందులకుగాను శిక్షణము పొందిన వారిచేతిలో నుండవలెను. గ్రంథ భాండాగారులకు శిక్షణ మొసగ ప్రత్యేక పాఠశాలలు స్థాపించి వారికి తగిన శిక్షణ మొసగవలెను. ఇవియును మరి అనేక సమస్యలు పరిష్కరించుటకు గ్రంథాలయ సంఘము లన్నియు శ్రద్ధ వహింపవలెనని కోరుచున్నాను.
{{p|fs125|ac}అధ్యక్షోపన్యాసము
కుమార మణీంద్రదేవ్ రాయిగారు, అధ్యక్షత వహించుచు ఆంధ్ర దేశమున గ్రంథాలయోద్యమము గాంచిన వ్యాప్తిని ప్రశం చిరి. ప్రాచీన కాలమున నళందా, విక్రమ శిల, తక్ష శీలానగరములందు గల గొప్ప గ్రంథాలయముల నుదాహరించి ఆదర్శమందు నాటి గ్రంథలయ ములకును, నేటి గ్రంథాలయోద్యమముసకును గల భేదములను వివరించిరి. నాటి గ్రంథలయములు విద్యాధికుల కుద్దేశింపబడినవి. నేటి గ్రంథాలయోద్యమము, జనసామాన్యమందంతను విజ్ఞానమును వ్యాపింపచేయుటకు యత్నించు చున్నది. ప్రజాసామాన్యమున గ్రంథపఠనాభిమానము వ్యాపింపచేయుట కుద్దేశింపబడినది.
కలకత్తాయందలి “ఇంపీరియల్" గ్రాంథాలయమును, భారతదేశమున కంతకును కేంద్ర గ్రంథాలయముగ నొనర్చుటకు గావింపబడుచున్న ప్రయత్నములు సఫలమగుగాక! యని ఆశించిరి. నూతన గ్రంథాలయముల స్థాపనమును గురించి ప్రసంగించుచు, ఆయా స్థానిక పరిస్థితుల కనుకూలమగు పద్ధతులపై గ్రంథాలయములను స్థాపింపవలెనని నుడివిరి. ప్రభుత్వమువారు, సార్వభౌముని పరిపాలనా రజతోత్సవమును జరుపునపుడు దాని సంస్మరణార్థము కొన్ని గ్రంథాలయముల నేర్పరుపవలెనని హెచ్చరించిరి. ప్రజలు గ్రంథా లయముల నేర్పరుచుకొనుటలోను, గ్రంథాలయోద్యమములోనికి పాక్షిక విరోధములనే మాత్రమును దరికి చేరనీయరాదనిరి. గ్రంథాలయములు, అవసరములనుబట్టి, గ్రంథములను పరస్పరము బదులిచ్చి పుచ్చుకొను పద్ధతి నవలంబింపవలె ననిరి. కారాగారములలోని ఖయిదీలకును, వైద్యశాలలలోని రోగులకును, పామరజనులకును గూడ ప్రత్యేకముగ గ్రంథాలయముల నేర్పరుచుట అవసరమనిరి.
రెండవదినము
రెండవదినము ఉదయమున అధ్యక్షులందరును కలిసి, మద్రాసునందలి గ్రంథాలయముల నన్నింటిని దర్శించిరి. మధ్యాహ్నమున తిరిగి సభ జరిపి తీర్మానములను గావించిరి.
తీర్మానములు
అన్ని రాజధానులలోను ధర్మగ్రంథాల యోద్యమమును వ్యాపింపజేయుటకు వివిధ రాష్ట్రములందలి చట్టనిర్మాణసభలు విశేషధనము నొసంగవలెనని యీ సభవారు కోరుచున్నారు.
స్థానిక సంస్థలును, పురపాలక సంఘములును తమ పరిపాలన క్రింద ధర్మగ్రంథాలయములను స్థాపింపవలెనని యీ సంఘము వారు తీర్మానించుచున్నారు.
