గ్రంథాలయములు - వానియావశ్యకత
(పప్పూరు రామాచార్యులుగారు)
ఈ నెల 19 వ తేదీ సాయంకాలము రాణీ సత్రములో తిమ్మన చెర్ల జనార్ధన గ్రంథాలయ వార్షికోత్సవము శ్రీమా౯ పప్పూరు రామాచార్యులవారి అధ్యక్షతిలో జరిగెను. మ.రా. కె. వెంకోబరావుగారును, ఆర్. విశ్వంగారును ఈ గ్రంథాలయ వార్షికోత్సవ విషయమున నెక్కువ శ్రద్ధ పూని పనిజేసిరి. శ్రీయుతులు కల్లూరు సుబ్బరావు గారును, బందరు నుండి వచ్చిన చెఱుకువాడ వేంకట నరసింహంగారును సభనలంకరించిరి. కార్యదర్శిని వేదిక అధ్యక్షునికి సన్మానపత్రము సమర్పింపబడిన వెనుక, కల్లూరు సుబ్బరావుగారు మాటాడుచు నేటికాలమున రామకృష్ణాలయముల కంటె మిన్నగా మనము సరస్వతీ ఆలయములను పోషింప వలసినదనియు, గ్రంథాలయము అట్టి సరస్వతీ యలయములనియు నుడివిరి. చెఱుకు వాడ వేంకట నరసింహము గారు తమసహజ గంభీరధోరణి సుపన్యసింపుచు మనము మన పుత్రుల యొక్కయు పుత్రికలయొక్కయు బాహ్యశరీర పోషణమునకై వేనవేలు వెచ్చింపుచుంటిమనియు దాని కాధారమగు మనస్సు బుద్ధి ఆత్మ వీని యభివృద్ధికి ధనము వెచ్చించుటకు వెనుదీయుచుంటి మనియు, బాలురకు ధర్మము నీతి, పుణ్యము నేర్పుట తలిదండ్రుల ధర్మమనియు, తండ్రి హరి జేరుమనియెడు తండ్రి తండ్రి అని ప్రహ్లాద చరిత్రలోని నుడి తథ్యమనియు నుడివిరి. జనులు మూఢులై రామకోటి మొదలగు వ్యర్థ కార్యములలో నిమగ్నులగు చుండిరనియు, సత్య ధర్మశౌచములను మనలో వృద్ధి పొందించు కార్యములను చేయుటలో మనకు ముక్తి యున్నదిగాని ఆడంబరము కోసరము చేయు కార్యములవలస ముక్తి కలుగదనియు గ్రంథాలయము వృద్ధినొంది గ్రామములలో మంచి స్థానము నాశ్రమించుకొన్న వెనుక గ్రామాభివృద్ధి కార్యములకు తర్వాత జేయసులభ సాధ్యమనియు నుడివిరి.
అధ్యక్షోవన్యాసము
గ్రంథాలయముల పోషించుట గ్రంథాలయ వార్షికోత్సవములు జరుపుట ఈ కాలమున విశేషముగా వినుచున్నాము. కాని మనదేశములో
సవి ఇంకను చాలవు. ఇతర రాజ్యములతో పోల్చి చూచిన యెడల మన గ్రంథాలయోద్యమ మింకను శైశవదశలోనే యున్నది. ధనము గలవారు దీనిని పట్టుకొని సాహాయ్యము చేయకుండుటే ఇందుకు కారణము. వారు దానములు చేయుచునే యున్నారు గాని పాత్రా పాత్రా వివేచనము లేకచేయుచున్నారు. ధర్మములు కాలదేశపాత్రములను బట్టి మారుచుండును. ఒళ్ళుదొరకని గుంత కల్లువంటి ప్రదేశములలో బావులు త్రవ్వించుట పుణ్యకార్యము కావచ్చును. కాని ఏ గంగానదీ తీర మందో బావిని త్రవ్వించుట వలన పుణ్యమరాదు అక్కడ నది యనవసరము. కాశీయాత్ర పోవువారికి మార్గ మధ్యయిన అన్న సత్రము లుంచుట పుణ్యముగా భావించ
- ↑ అనంతపురంజిల్లా "తిమ్మన చెర్ల” యందున్న శ్రీ జవార్దన ఉచితగ్రంథాలయ వార్షికోత్సవ సమయమున ఇయ్యబడినది
